Category: Uncategorized

Uncategorized

Mardhëniet Maqedoni-Bullgari, ratifikohet marrëveshja për fqinjësi të mirë

Me “61” vota për dhe “1” të përmbajtur kuvendi ratifikoi marrveshjen për fqinjësi të mirë....

Vizita e Stoltenberg, Shekerinska: Mesazh se jemi në rrugë të mbarë

Vizita e sekretarit të përgjithshëm të NATO-s, Jens Stoltenberg të enjten në shkup...
Vizita e sekretarit të përgjithshëm të NATO-s, Jens Stoltenberg të enjten në shkup, është cilësuar nga ministrja e mbrojtjes Radmilla Sheqerinska si mesazh se në 6 muajt e fundit, Maqedonia ëhtsë kthyer në rrugën e saj euroatlantike. Sheqerinska vlerëson se vendi ka arritur me sukses  arritur sukses të neutralizojë gjitha lajmet e këqija që përcillte në  vazhdimësi në të kaluarën.
“Kemi arritur që Maqedonisë t’i japim mundësi të re. Vizitën e shohim si që Maqedonia të prezantohet ndryshe, si shtet që i zgjedh problemet e veta dhe punon për prioritetet e saj”, tha Radmilla Sheqerinska, ministre e mbrojtjes.
Emri ishte problem për antarësim në NATO që para dhjetë vitesh vlerëson Sheqerinska, e cila akuzoi sot ekzekutivin e kaluar se ka shtuar listën e problemeve që duhet të zgjidhen nga qeveria aktuale . Mes probemeve Sheqerinska numëron presionet ndaj administratës, lirinë e mediavedhe pavarësinë e gjyqësorit.
“Nuk është e vërtetë se problem I vetëm për antarësim në NATO, është emri. Mjafton të lexohen dokumentet nga NATO që nga viti 2014 e do e shihni se lista e problemeve, është më e gjatë. E në këtë listë gjithnjë e më rralë përmendej problemi me fqinjin jugor”, shtoi Sheqerinska.
Sheqerinska thotë se në takimin me Stoltenbergun do të tregojë se cfarë është bërë gjatë kësaj periudhe për modernizimin e armatës dhe për planet për të ardhmen.

Vrasja e Almir Aliut, shtyhet seanca, fjalët përfundimtare më 23 janar

Ashtu sic kishin njoftuar paraprakisht gjykatwn, në seancë nuk kanë mundur të vijnë dy të akuzuarit Sami Demiri dhe Abdulla Aliu, që gjenden privatisht jashtë Maqedonisë. Fjalët përfundimtare kanë mbetur të dëgjohen më 23 janar, nëse nuk ka ndonjë shtyrje të re.
I akuzuar për vrasjen e 4 vjeçarit, është Boban Iliq, i cili tashmë ka pranuar  veprën për të cilën akuzohet madje ëhstë shprehur edhe si shumë I penduar. Familjarët e Almirit kërkojnë dënim maksimal për Boban Iliqin, i cili më 25 qershor të vitit 2016, pas një zënke banale për radhën në spitalin e Kumanovës, me makinën e tij, u përplas pas tre anëtarëve të familjes Aliu, duke shtypur për vdekje vogëlushin 4 vjeçar që më pas ndërroi jetë në Klinikën e Shkupit.
Por Iliq vazhdon të këmbëngulë se është ndjerë i rrezikuar dhe nuk ka mundur të parandalojë përplasjen, në përpjeje për t’u larguar nga ata që e ndiqnin. Përvec tij, për këtë rast të akuzuar janë edhe Sedat Aliu, Sami Demiri dhe Abdulla Aliu, për vepër penale “Përdorim të dhunës”.

Paditet kryeprokurorja shqiptare, një ish prokuror e akuzon për shpërdorim detyre

Dy prej tyre, prokurori i Elbasanit Dritan Gina dhe ai i Durrësit Agron Gjana, fillimisht kanë bërë rezistencë, duke mos pranuar të largohen nga posti, por më pas janë tërhequr. Madje, Dritan Gina, së cilës iu shkakua nga puna edhe bashkëshortja Rovena Gashi, ka bërë kallëzim ndaj prokurores së përgjithshme, duke kërkuar që t’i bëhet edhe test për shëndetin mendor.
“Sot u paraqita për të bërë kallëzim penal ndaj Prokurores së Përgjithshme të Përkohshme, Arta Marku, si dhe kam kërkuar gjykimin e padisë civile në të njëjtin proces për cenim të figurës time si profesionist. Arta Markun e kam kallëzuar për shpërdorim detyre parashikuar nga neni 248 i Kodit Penal. Është kompetencë e Krimeve të Rënda për shkak të subjektit”, tha Dritan Gina, ish-drejtues i prokurorisë së Elbasanit.
Po ashtu Gina pretendon se kryeprokurorja Marku ka rrezikshmëri të lartë shoqërore dhe për këtë arsye ai i kërkon kolegëve tek krimet e rënda ta pezullojnë nga detyra. Padi në gjykatë kundër kryeprokurores Marku ka paraqitur një ditë më parë dhe bashkëshorjta e Ginës, prokurorja Rovena Gashi.

Kontesti rreth emrit, Bakiu: Vështirë, pa ndërhyrjen e ndërkombëtarëve; Ruzhin: Kompromis, por duke ruajtur identitetin

Pas intensifikimit të takimeve mes zyrtarëve të Maqedonisë dhe Greqisë për të gjetur kompromis për kontestin me emrin, situata do të gjendet  në një fazë edhe më të vështirë, sepse  tani, alternativat konkrete do të duhet të parashtohen në tavolinë dhe ato nuk do të jenë modele  të cilat do të kënaqin totalisht palët.
Kështu mendon analisti politik Qashif Bakiu, gjersa thotë se në këtë drejtim, ai që do të lëshoje pe më shumë do të jetë Shkupi zyrtar, për shkak të pozitës më të fortë greke. Sipas tij, kësaj rradhe rol kryesor do të ketë diplomacia e presionit nga faktorët ndërkombëtar, për ti dhënë fundi këtij problem disavjecar.
“Pa kyçjen e faktorëve kryesor në marrëdhëniet ndërkombëtare, SHBA, BE mendoj se ky proces do të jetë vështirë i zgjidhshëm. Në këtë drjetim mendoj se presionin të cilin do ta bëjnë SHBA-të ndaj palëve do të ishte kyq dhe do të mund të sjellte  deri në një zgjidhje të Përafërt e cila do tju ofrohehej palëve”, tha Qashif Bakiu, analist politik.
Edhe ish amabsadori Nano Ruzhin beson se zgjidhja e emrit do të arrihet nën garanci të lartë ndërkombëtare. Është treni i fundit që duhet ta zë vendi thotë Ruzhin, sepse koha ka shkelur shumë gjëra dhe duhet të reagohet me urgjencë.
“Mendoj se tash shpejt do të reagohet sepse koha po shkel për shumë çështje. Por me rëndësi është që të arrihet te zgjidhja e pranueshme për të dyja palët. Me rëndësi Maqedonia të gjej një zgjidhje që do ta ruante indentitetin në njërën anë dhe në anën tjetër me atë solucion të hyjë në NATO dhe ti fillojë bisedimet për integrim me BE-në”, tha Nano Ruzhin, ish ambasador.
Analistët mendojnë se deri në fund të vitit Maqedonia duhet të bëhet anëtare e NATO, ndërsa pas samitit të qershorit të Këshillit Evropjan, besojnë edhe në marrjen e datës për fillimin e bisedimeve. Ndërkohë, ndërmjetësi Methju Nimic më 17 janar do të takojë palët negociuese në Nju Jork ndërsa ka paralajmëruar takime intenzive edhe në muajin shkurt dhe mars.

MAQEDONI LSM: Të respektohen masat për mbrojtje nga ndotja

 
Personat të cilët punojnë në ambiente të hapura të punojnë prej orës 11 deri në orën 17, të rriten kontrollet inspektuese në vendet e ndërtimit dhe të kufizohet deri në 50 për qind përdorimi i automjeteve zyrtare.
"Ministritë e Mjedisit Jetësor dhe Planifikimit Hapësinor dhe e Shëndetësisë janë të obliguara t'i lirojnë prej punës gratë shtatzëna, personat mbi 60 vjeç, si dhe personat me astmë kronike, me infarkt të pësuar miokardial ose goditje në tru, pa dallim të moshës, ta zbatojnë ndalesën për mbajtjen e ndeshjeve sportive dhe manifestimeve të tjera në mjedise të hapura, të sigurojnë kushte për rritjen e aktivitete të shërbimit për ndihmë të shpejtë, vizitë në shtëpi dhe shërbimit të patronazhit", thekson LSM në kumtesën e sotme.

FSHATI KOPANICË PO ZBRAZET!? TË RINJTË MARRIN RRUGËN E GURBETIT

Bënë selfien e fundit para se të marrin rrugën e gurbetit. Mbi 15 të rinj nga fshati Kopanicë, në komunën e Sarajit, mbrëmë braktisën fshatin e tyre për të udhëtuar drejt Evropës, siç thonë, për një jetë më të mirë. Bashkëfshatarët e tyre thonë se të rinjtë po ikin pasi nuk po gjejnë punë dh perspektivë këtu në Maqedoni. “Mund të them që të rinjtë mezi presin të dalin, ose të martohen ose të gjejnë ndonjë rrugë për tu larguar. Nuk shoh perspektivë këtu, dal ndonjë herë nga këto çajtoret, magjistër është rojtar i rrymës elektrike, kjo është turp për një njeri të shkolluar mos mund ti gjejnë një vend pune. Mbrëmë duke biseduar, nuk e di rasti se si është 10-15 apo 20 persona udhëtuan drejt Sllovakisë”, tha Avdil Vaid Ademi, Mërgimtarë. Imami i fshatit Kopanicë thotë se të rinjtë nuk duhet të largohen dhe duhet të japin kontributin e tyre në fshatin e tyre. “Ajo është e vërtet por shkaqet pse po largohen secili mendon për një jetë më të mirë.  – Por tani edhe atje është bërë vështirë ne kemi gurbetëqar që kanë treguar që ka qenë më mirë me përpara. Tani nuk është sikur ka qenë më herët, por tani të rinjtë mund të manipulohen nga dikush, ose u ofrojnë për diçka për një jetë më të mirë, kjo është me të vërtet një tmerr që po largohen rinia. Duhet të gjejnë vend pune dhe të punojnë në vendlindjen e vet dhe të japin kontributin në fshatrat e tyre”, u shpreh Ahmet Qilafi, Imam i Xhamisë në Kopanicë. Shkalla e emigrimit të qytetarëve të Maqedonisë përfshirë emigracionin e rregullt dhe emigracionin ilegal, vazhdon të jetë i lartë, ndonëse jo në shifra alarmante. Nga Enti shtetëror për Statistika, në bazë të të dhënave, për periudhën 2012-2016 bëhet e ditur se Maqedonia vazhdon të ketë shkallë të mesme të emigrimit, me një mesatare prej 4222 qytetarësh. Nga Maqedonia vetëm vitin e kaluar janë larguar 440 persona, thonë statistikat. Në vitin 2015 nga Maqedonia kanë ikur 767 persona, në 2014-ën 740, në vitin 2013 janë zhvendosur 945 persona, kurse në 2012-ën vendin e kanë braktisur 1.330./TV21/

Shkup, shqipja vazhdon të shtrembërohet

Në Shkup, përveç që është e vështirë të gjesh tabela komunikacioni në gjuhën shqipe, problematike janë edhe gabimet e shumta drejtshkrimore dhe shkarravitja e atyre pak tabelave që sinjalizojnë edhe në shqip. Thuajse të gjitha tabelat 3 gjuheshe që paralajmërojnë Klinikën Universitare “Nënë Tereza”, në gjuhën shqipe janë të shënuara gabimisht si “Nëna Terëze”.

Gjithashtu edhe tabelat e shumta që paralajmërojnë vendndodhje e stadiumit të Filipit të Dytë, vetëm në gjuhën shqipe janë shënuar gabimisht.

Ndërsa tabela që shpie drejt fshatit Sopishte, para emrit mbanë shkronjën “S” që nënkupton fjalën maqedonase “Sello” e jo shkronjën “F” që do të nënkuptonte fjalën “Fshati”.

Kryetari i Qytetit të Shkupit Petre Shilegov i quan anomali këto gabime drejtshkrimore duke e hedhur kështu fajin te paraardhësi i tij, Koce Trajanovski. Megjithatë Shilegov thotë se askush deri më tani nuk i ka paraqitur këta gabime dhe u zotua se do angazhohen që t’i përmirësojnë të njëjtat, duke mos dhënë një afat.

"Ajo që është nën kompetenca të Qytetit të Shkupit, në vendosjen e shenjave, ne mundohemi që të jetë në kuadër të ligjeve te fundit. Për atë se diku është vërejtur anomali, së paku tek unë deri më tani nuk është paraqitur një gjë e tillë por nëse është e nevojshme dhe në kompetenca të Qytetit të Shkupit, së shpejti do t’i rregullojmë këto gabime- deklaroi Kryetar i Qytetit të Shkupit Petre Shilegov.

Ky problem daton që nga fillimi i përdorimit të gjuhës shqipe nëpër udhërrëfyes dhe tabela të komunikacionit. Problem në vete është edhe diskriminimi që bëhet duke fshirë vetëm mbishkrimet në gjuhën shqipe nëpër udhërrëfyesit që gjenden brenda dhe jashtë Qytetit të Shkupit.

Hajnat në “aksion” në kampet private në Saraj

 

Rreth 40 kampe shtëpiza që ndodhen në afërsi të Liqenit të Treskës në Saraj kanë qenë cak i hajnave. Pronarët e kampeve ankohen për mungesë sigurie në këtë rajon. Ata thonë se edhe pse është rritur pagesa për shfrytëzimin e tokës për kampet nga 7500 në 12 300 denarë, autoritetet nuk kujdesen fare për objektet e tyre. Përveç mungesës së sigurisë dhe vjedhjeve të vazhdueshme, pronarët përballen edhe me papastërti të madhe për rreth objekteve.

Këto gjëra ndodhin shumë shpesh. Shpesh ndodhin si edhe kampi im edhe të komshi ve janë dëmtuar edhe para gjashtë muajsh mi kanë vjedhur edhe kabllot e rrymës dhe siguri nuk kemi edhe pse na kanë rritur cimet pasi që kemi paguar nga 7500 denar ndërsa tash paguajmë 12 300 denar , dhe as rrymë dhe as siguri nuk kemi , rrymën na lëshojnë nga marsi deri në shtatorë ndërsa dimrit nuk kemi rrymë, këtu në mbrëmje është katastrofë me ardhur . Ka pas rroje këtu ndërsa tash nuk ka, edhe në atë kohë pa pas dëmtime ama të vogla jo si tash- tha pronari i kampit Rufki Berisha.
Eksese të këtilla shumë shpesh pasi që këtu nuk ka rroje nuk ka asnjë lloj sigurie, dhe nuk më brengos aq shumë ajo që kanë marrë nga kamp shtëpiza por dëmtimet që i bëjnë vjedhësit dhe kjo flet për nivelin e huliganizmit në këtë ambient ku gravitojmë ne- u ankua Sami Bislimi, një tjetër pronar kampi. 

Nga ndërmarrja publike komunale “Liqeni Treska” në Saraj thonë se edhe përkundër ekzistimit të kontratave me pronarët e kampeve, kjo ndërmarrje nuk është përgjegjëse për sigurinë. Madje pranojnë se nuk kanë të angazhuar as roje .

Për momentin nuk ka të punësuar asnjë roje, kemi në plan të punësojmë tre apo katër roje por nuk kemi hapur as konkurs dhe nuk e dimë se kur do të ndodh një gjë e tillë. Kemi njohuri për dëmtime të kampeve , dëmtime ka pasur edhe më herët por në kontratat me pronarët e tyre ne nuk bartim përgjegjësi për dëmtimet. Rastin e kemi paraqitur në polici dhe presim rezultate- thuhet në kumtesën e NPK-së “ Liqeni Treska”.

Menaxhimi i parku të liqenit Treska më herët është bërë nga Ndërmarrja “Parqe dhe Gjelbërime” i qytetit të Shupit , ndërsa më pas ka kaluar në kompetencë të komunës së Sarajt. Megjithatë tanimë një kohë të gjatë Liqeni i Treskës është shndërruar në një deponi mbeturinash./AlasatM/

Zhurma.net
Proudly powered by WordPress | Theme: NewsBD24 by aThemeArt.